דער 11'טער אַלבום מ'חדש פון בערי וועבער איז שוין כמעט פאַרטיג!

דער נייער אלבום ווערט באטראכט ווי זיין 11'טער אלבום אין דער רייע, און קומט נאך דעם גאר מצליח'דיגן און ענערגישן 10'טן אלבום "Beri Energy" וואס איז ארויסגעגעבן געווארן אינאיינעם מיט די באקאנטע 'En3rgy' בענד אין שנת תשפ"ד. דער "Beri Energy" אלבום האט איבערגעקערט די וועלט מיט אירע פרישע און לעבעדיגע חתונה-סטייל רעקארדינגס, וואו בערי האט אריינגעברענגט א ספעציעלע שמחה, גאסטירט מיט פראמינענטע אידישע ארטיסטן (צווישן זיי ליפא שמעלצר, מאטי אילאוויטש, שמואלי אונגאר, און א ספעציעלע עמאציאנעלע רעקארדינג פונעם אומפארגעסליכן ר' מיכאל שניצלער זצ"ל).

דער קומענדיגער אלבום "מ'חדש" וועט זיין דער עפעס נייע פין זיין לעצטן ארגינעלן פראיעקט "קרבן" וואס איז ארויסגעקומען מיט דריי יאר צוריק און האט איבערגעלאזט א טיפן רושם אויף די נגינה וועלט.

דער באדייט פון "מ'חדש": אין א ספעציעלן שמועס וואס דער ארטיסט בערי וועבער האט איבערגעגעבן פאר די "מוזיק וועלט" רעדאקציע, האט ער מסביר געווען דעם טיפן באדייט אינטערן נאמען פונעם אלבום "מחדש". בערי טוט דא פקטיש ארויסברענגען א רעוואלוציאנערע פרישקייט דורך צוריקברענגען זיין ארגינעלן 'טים' (Team) — דער לעגענדארער פראדוצירער נפתלי משה שניצלער און הערשי וויינבערגער — וועלכע האבן געהאט א ריזיגן חלק אין די פריערדיגע סעריעס פון זיינע גאר מצליח'דיגע אלבומס.

אבער דאס מאל האט זיך בערי נישט אָפּגעשטעלט דארט; ער האט "מחדש" געווען די גאנצע פראדוקציע דורך צולייגן פרישע, יונגע און טאלאנטפולע היינטיגע אראנזשירער, אינאיינעם מיט'ן טאלאנטפולע אראנזשירער יענקי שטיינמעץ און דעם מיקס-מייסטער ליפא בראנער. די דאזיגע געמישטע קאמבאנאציע האט באוויזן צו קריסטאליזירן גאר רייכע מוזיק וואס ברענגט מצד איין זייט דעם מאדערנעם, היינטיגן סטייל וואס דער עולם ליבט, אבער האלט אן א גאר הויכע מוזיקאלישע און פראפעסיאנעלע קוואליטעט אויפ'ן העכסטן סטאנדארט.

כלל ישראל ווארט שוין מיט דורשט אויף די געלעגנהייט ארומצונעמען די נייע, רייכע ניגונים וואס זענען אנגעפילט מיט אן אמת'ן אידישן חן, וואס וועט אריינברענגען א פרישן גייסט (מחדש זיין) אין די אידישע שטובער און אין די עולם הנגינה בכלליות.

מיט געציילטע מאנאטן צוריק האבן די קלאנגען געלויטעט אז דער פרישער אלבום "מחדש" וועט שוין זיין אינדרויסן נאך איידער די ימי הרחמים והסליחות, אבער צוליב פארשידענע סיבות האט זיך די פראדוקציע פארשלעפט. יעצט קומט ענדליך די גוטע נייעס אויף וואס די מוזיק וועלט האבן ארויסגעקוקט.

ליפא בראנער האט פאר די רעדאקציע באשטעטיגט אז די הויפט ארבעט אויפ'ן אלבום איז שוין אינגאנצן קאמפלעט. דער פראיעקט האלט שוין ביי די גאר לעצטע שטאפלען פון די מיקסינג פאזע, און איז גרייט אפגעשיקט צו ווערן פאר די ענדגילטיגע 'מאסטערינג' ארבעט אין די נאנטע טעג. דאס מיינט אז דער אלבום "מחדש" געפינט זיך ממש ביים שוועל פון ארויסקומען צו דערפרייען די הערצער פון די טויזנטער ליבהאבער פון בערי'ס ווארעמע אפהאנדלונגען און ענערגישע חסידישע ניגונים.